小編幫我整理了一些資料，原來我之前已經講過林作幾次。
無他，這個人本身就夠特別，所以媒體鍾意報道，觀眾亦容易記得。
我最早其實是在教學材料入面引用過佢，用嚟講父母發跡、家底背景，作為一種「富二代」的命理說明。當然，呢個定義有啲粗疏，但勉強都算係一個切入點。只不過嗰部分唔係公開內容，所以就唔重溫了。
真正常見於公開文章的，係 2023 年 6 月 9 日我拍過一條 YouTube 片。
當時係用林作做例子，講一個人喺咩情況下會俾人炒，或者招來是非。呢條片今日回看，就最值得重溫。
影片連結之後到 2025 年 11 月 17 日，我又忍唔住寫多次。
Patreon 文章連結而家我自己有網站，想將以前寫過嘅文章慢慢整理返埋一齊。
結果發現，原來我最鍾意用嘅 Blogger 一直都仲喺度運作。當年誤會而被迫轉去 Patreon，今日回頭睇，反而係好事。慢慢整理，慢慢重溫，順便睇返自己當年寫過啲乜。
有一點我要先講清楚：
我刻意唔去修改舊文，亦唔刪舊文。
因為術數嘅準確性，唔需要師傅自己吹噓；事實未必每次都即刻應驗，但同類現象往往會反覆出現。呢個就係術數可供驗證之處。
所以，今次就直接對答案。
1. 點解佢咁易惹是非？
我喺 YouTube 一開始已經提過：
林作呢類人，係有口才、多是非、易惹事。
到目前為止，佢依然係咁，呢個其實已經引證到，呢個唔係單一事件，而係天生原局本身嘅問題。
佢每一次講嘢、每一次表態，其實都會傷害自己嘅權威性。
而且佢嘅模式一向都係：鍾意同人合作、鍾意站位、鍾意製造聲量。
呢種性格，短期可以搶眼，但長期就容易反噬。
2. 佢有家底，點解會咁講？
呢點其實唔算係批算，而係一種命理上用嚟解釋背景嘅方法。
換句話講，呢個係已知事實，再用命理框架去理解，唔係我憑空估出嚟。
3. 2015 年行好運
呢點當時已經係既定事實。
之後到 2021 年，亦都係沿住當時已經見到嘅軌跡去理解。
即係話，唔係事後抽水，而係當時已經有跡可尋。
4. 2023 年癸卯年戊午月被炒
喺 YouTube 片 6:11 左右，我已經講得好清楚：
佢喺 2023 年癸卯年、戊午月出事，俾人炒。當時我就是在他被炒後出片，要講明，當時是套落命理去講解的。
5. 當時佢話有人搞佢
但當時林作有投訴，話係保險業界有人搞佢。
我當時亦因為呢件事而做分析講解。
今日回頭睇，當然我哋未必知道真相全貌，但後來先知道，原來保險業界入面，team 與 team 之間本身就有利益爭奪，甚至係有價有市。
咁講返轉頭，當時嗰個分析，其實就成立咗。
6. 佢話有「猛人」想同佢合作
佢當時曾經提過，有個「猛人」想同佢合作搞大事情。
後來先知，原來係 bitcoin 幣少。咁依單野就真係啪啪聲，係流年不利的事了。
我係當時係唔知道佢幾時傾成呢單，但如果真係喺當時開始合作，咁其實已經係瀨嘢。
因為我當時已經講過：嗰段時間，唔利合作，亦唔利高調出手。一切等庚申月和辛酉月先啦。
只不過，當年拍片時未有講得咁死咁直。
7. 2023 年入到庚申／辛酉月得財
我當時論過，佢入到同年庚申／辛酉月會得財。
而事實上，JPEX 事件的確令佢有得著、有曝光、有聲勢，甚至某程度上係「有得財」。
但問題係，前一點已經伏咗後患。
表面係得財，實際係埋下官非起始。
所以先會出現後面 9 月被捕、11 月被告嘅情況。
一句講晒：制殺太過，已經可以講完。
8. 點解事情會發大？
事情之所以發大，以致最後被捕，源頭其實係當時戊癸傷官剋合、弱殺化財，不斷被引動所致。
所以，當時我對佢性格同流年現象嘅分析，今日睇返真係幾貼切。
有啲位唔需要講到好玄，因為現象本身就好具像。
「這個現象點解出現，係有賴當時人自己衝出來。」
「仲要之後還要繼續引動。」
呢兩句，今日睇返，真係好有畫面。
9. 被捕後，會唔會最後告得入？
我記得我當時喺 Facebook 或 Instagram 講過：
佢被捕後，暫未被控，最後未必告得入。
而我喺乙巳年再寫文，應該係因為佢被落案起訴，所以先有第二輪重溫。
如果我冇記錯，當時我嘅意思係：未到最後一步，唔可以講死。
10. 最壞情況係咩？
我當時講過，佢正官壬水最怕咩？
最壞係丙午年午來沖子，火來剋金，官星會跌一跌。
之後未年亦會不定期令官星出事。
而入申年之後，火去金水來，整體又會再轉好。
所以，六月一日嗰個位，現在看到個官話押後到依一日判, 我真係嘩了一聲。我當時覺得係最差的一柱出現了。
丙午日，又接近芒種，火勢大旺，對用神同官星都唔友善。
地支火旺，剋金破財，地位易跌，用神沖根和天干火來生土剋水而傷。
如果只講最現實最佳嘅後果，起碼律師費都唔會少。
當然，我都承認，呢句某程度上有啲廢話。
因為就算冇最壞結果，官司本身都已經係消耗。但至於使唔使坐？又有趣，今日開盤看，又唔使喎，留個圖做紀錄先。
11. 之後點睇？
我之前講過：
「入申年之後，火去金水來，就一切又一條好漢了。」
呢句我仍然留喺度。
到時再重溫一次，睇下係咪真係如我所講。
另外，佢而家如果同裕美合作拍嘢，係用財生官，某程度上其實係對路。
如果佢真係想重新建立格局，呢條路比起純靠抽水、靠聲量，會穩陣得多。
大意如此。
到時再重溫吧。
.png)
